Back Ontaarde materie Afrikaans مادة متحللة Arabic Выраджаны газ Byelorussian Изродена материя Bulgarian অবক্ষয়িত পদার্থ Bengali/Bangla Matèria degenerada Catalan Degenerovaný plyn Czech Юхăннă газ CV Degenereret stof Danish Entartete Materie German
Denominar materia dexenerada a aquella na cual una fracción importante de la presión provién del principiu d'esclusión de Pauli, qu'establez que dos fermiones nun pueden tener los mesmos númberos cuánticos.
Dependiendo de les condiciones, la dexeneración de distintes partícules puede contribuyir a la presión d'un oxetu compactu, de cuenta que una nana blanca ta sostenida pola dexeneración d'electrones, ente que una estrella de neutrones nun colapsa debíu al efeuto combináu de la presión de neutrones dexeneraos y la presión debida a la parte repulsiva de la interacción fuerte ente bariones.
Estes restricciones nos estaos cuánticos faen que les partícules adquieran momentus bien alzaos yá que nun tienen otres posiciones del espaciu de fases onde asitiase, puede dicise que'l gas al nun poder ocupar más posiciones vese obligáu a estendese nel espaciu de momentos cola llimitación de la velocidá c. Con éses al tar tan estruyida la materia los estaos energéticamente baxos ocúpense rápido polo que munches partícules nun tienen más remediu qu'asitiase n'estaos bien enerxéticos lo que trai una presión adicional d'orixe cuánticu. Si la materia ta lo suficientemente dexenerada dicha presión va apoderar, con muncho, sobre toles demás contribuciones. Esta presión ye, amás, independiente de la temperatura y namái dependiente de la densidá.
Faen falta grandes densidaes pa llegar a los estaos de dexeneración de la materia. Pa la dexeneración d'electrones va riquir d'una densidá en redol a los 10⁶ g/cm³, (1000 kg/cm³) pa la de los neutrones va faer falta enforma entá más, aproximao 1014 g/cm³ (100.000 Tonelaes/cm³).